حذف الحساب وبياناته

حساب نمرتك لصاحب المحلّ وطاقمه — هو اللي بيدخّلهم على لوحة المحلّ وتطبيق «نمرتك بزنس».

أمّا الزبون فما إله حساب: بيحجز باسمه ورقمه بلا تسجيل. فلو بدّك تحذف بيانات حجزك، اطلبها من المحلّ اللي حجزت عنده مباشرة — هو صاحبها، وإحنا بنخزّنها له. ولو ما وصلت لحلّ معه، تواصل معنا وبنساعدك.

ابعتلنا من نفس الإيميل اللي بتدخل فيه على حسابك، واكتب «حذف حساب» واسم محلّك:

• إيميل: contact@nomretak.com
• واتساب: +972528396879

بنردّ عليك خلال يومين شغل، وبننفّذ الحذف خلال 30 يوم من تأكيدك.

• حسابك وإيميلك وكلمة سرك عند مزوّد الدخول.
• اسمك وصورتك إذا ضفتهم من «إعدادات الحساب».
• عضويّتك في المحلّ، وصلاحيتك على لوحته.
• أجهزتك المسجَّلة للإشعارات — فما بيوصلك إشعار بعدها.
• وإذا كنت المالك الوحيد للمحلّ: المحلّ نفسه بينسحب من الإنترنت (صفحة الحجز بتوقف)، وبتنحذف خدماته وطاقمه ودوامه وزبائنه ومواعيده.

• إذا المحلّ إله مالك تاني أو طاقم: المحلّ وبياناته بتضلّ إلهم — بينحذف حسابك إنت وحدك. المحلّ مش ملكك لحالك بهالحالة.
• مواعيد قادمة: بنخبّرك قبل الحذف، لأن إلغاءها بيمسّ زبائن ينتظرونها. بتقدر تلغيها بنفسك أو تخلّينا نلغيها مع الحذف.
• سجلّات تقنية مجمَّعة بلا اسمك (عدّادات زيارات مثلًا) بتضلّ — ما فيها ولا معلومة بتدلّ عليك.
• النسخ الاحتياطية الليلية: مشفّرة، واللي انحذف ممكن يضلّ فيها لحدّ 7 أيام بعد الحذف، وبعدها بتنمحى لحالها.